*
يبدأ يومي انا الطالبة الخايبة الطفشانة من المدرسة
بصرخة من ماما ^^^ قومي يﻼ أتأخرت ع*المدرسة*
^^^
وهادي الجملة أسمعها كل يوم*
وتقعدتقولي (((شششششششششششش))) كأني غنمة*
مدري ايش معناة هادي الجملة
أذهب للحمام&&&الله يكرمكم&&& زحفا وحبوا عيوني مني قادرة أفتحها
طبعا الشعر زي كدش أوﻻد جدة*
أدقها تعسيله في الحمام5 دقايق
وشوي الباب ينفزر من تخبيط ماما..*بسرعة*
.. أخوانك يبغو الحمام..
اخرج من الحمام أروح أصلي الفجر
وبعدين ألبس لبس السجون*
أقصد مريول*المدرسة*
إلي من أيام ما حفرو البحر*
وبعدين أمشط كدشي*
وألبس الشراب إلي من أيام المتوسط ما عاد أشتريت غيره*
أرزع كحل في عيوني وانا مني قادرة أفتحها
أرزع داكا الملمع في براطمي
وألبس العباية إلي ع الراس إلي كأنها مشلح عريس*
واروح عند الباب افتح الباب وماما تصرخ خذي مصروف
وﻻ أرد عليها
أركب السيارة وأﻻقي السواق يستناني*
ويقول .. مدام في كمان نفر تاني ..
وأقوله مدام في عينك أمشي أنقلع*
أخذلي قيلولة في السيارة وبعدين أﻻقي نفسي قدام باب المدرسة
اروح*المدرسة*
.... أفسخ المشلح
واوقف في الطابور...
وأول كلمة أنطقها .... سارعي للمجد والعليا ...... الخ
وانا ما فيا انطق وﻻ كلمة
وبعدين بنات اﻹذاعة يقعدو يتفلسفوا وﻻ أحد معبرهم
وبعدين ندخل الفصول
أول وحدة ألقاها قدامي أبلة الرياضيات
*
الله ياخذ وجهها
من صبح الله خير وهي تصرخ.... جذر المعادلة س ص ط ه ف م وتقول كل الحروف العربية... وتدخل المراقبة
وتصرخ بأعلى صوت ربي أعطاها هو..
مين غايب؟؟؟ ... ولما ما نجاوبها ... انطقوا بسرعة
تجي بعدها مدرسة اﻻنجليزي
تقعد تهرج تهرج ... وانا فاتحه فمي 7 متر مني فاهمة منها وﻻ كلمة
وتلتفت صاحبتي وتقولي ... ايش السالفة ؟؟؟؟
اقولها ... علمي علمك ... استمعي وأنصتي وانت ساكته
تجي بعدها مدرسة التاريخ
تقعد تقول قصص تجبلك النوم
وبعدها تجي الفسحة
طبعا البنات يخرجو من الفصول زي الغنم*
وطبعا المقصف ما فيه غير داكا البف إلي ريحتو تصرع
وعصير تفاح كلو مويه وسكر
المهم مالك غير تطرقع لبانه*
وبعدين تجي المراقبة تاني تنش البنات ع الفصول زي الغنم*
وتجي الحصة الرابعه مدرسة الفيزيا ... وبس تهرج و تتكلم ماتدري ايش تقول واول كلمة تقولها ... ما تعريف التصارع
قصدها التسارع ... نحنا نقول .. تعريفنا الخاص ..
التصارع هو ... رفسه وبكس ولكمة وكف .... الخ
وبعدها الخامسه
وبعدها السادسة
وبعدها السابعه
وبعدين تجي الصرفةتجي المراقبه تنش البنات من الفصول
ويرزعوك برة في حوش الغنم تحت الشمس ألين ما تحس نفسك*
صرت فروج الطازج المشوي
وبعدين يجي السواق ... يقعد البواب ينادي .. ينادي*
وﻻ أحد معبره*
وينك ما تطلع
إطلعو وﻻ بﻼش ننادي
وﻻ احد يخرج
وهاكذا كل يوم على هادي الحالة ألين ما تدخل الجامعة*
وما تﻼقي شغل وتترزعي في البيت ألين ما تعجزي وتموتي...
الإثنين مايو 14, 2012 12:25 am
