✷..واللي يتغلى اقول له بالسلامة..✷

لولا الملامة قلتها اليوم ما ابيك
مابيك تسأل خل عنك الملامة

ان كان ناوي عالاهانة بخليك
لي عزة تطغى علي و كرامة

ما ذل نفسي لا لحضرت معاليك
دايم عزيز النفس مرفوع هامة

مليت من كثرت جفاك و تغليك
واللي يتغلى اقول له بالسلامة

طبعي كذا برحل ولاهوب خافيك
اني من اللي ما يجرّح كلامة

من حقي اعرف وش سبايب تجافيك
وش صاب قلبك وش جرا وش علامة

عل الليال اللي خذنك توريك
وتصير منهو تالي الوقت ظامه

وتصير عبرة لكل منهو يجاريك
ويغشى عليك الليل باسود ظلامه